Kjo policë sigurimi mbulon sigurimin e vetë mjetit motorik (trupit të mjetit) nga të gjitha dëmtimet materiale që mund të vijnë si rezultat i një ngjarjeje aksidentale, për rreziqet e dëmtimeve aksidentale: thyerja e xhamave, zjarri–rrufe–eksplozioni, katastrofat natyrore, vjedhja e mjetit, dëmtimet nga aktet keqdashëse, etj.

Kjo policë sigurimi vlen edhe jashtë territorit të Republikës së Shqipërisë.

Kjo policë sigurimi mbulon sigurimin e mjetit motorik nga dëmtimet aksidentale që mund të ndodhin nga përplasja me një mjet tjetër motorik, pavarësisht nëse je fajtor apo jo në aksident.

Kjo policë sigurimi mbulon sigurimin e vetë trupit të mjetit lundrues apo fluturues nga të gjitha dëmtimet materiale që mund të vijnë si rezultat i një ngjarjeje aksidentale, për rreziqet e dëmtimeve aksidentale: thyerja e xhamave, zjarri–rrufe–eksplozioni, katastrofat natyrore, vjedhja e mjetit, dëmtimet nga aktet keqdashëse, etj.

Kontrata e sigurimit SME ofron një mbulim kompleks për bizneset, ku përfshihen:

1. Sigurimi i ndërtesës, pajisjeve dhe inventarit ekonomik nga rreziqet e zjarrit, tërmetit, përmbytjeve dhe rreziqet shtesë të sigurimit të pronës.
2. Mbulimi me sigurim për përgjegjësinë ndaj palëve të treta gjatë ushtrimit të aktivitetit, për dëmet trupore apo materiale të shkaktuara palëve të treta.
3. Sigurimi nga aksidentet për administratorin e biznesit, me qëllim vazhdimin e biznesit në rast vdekjeje, paaftësie të përkohshme apo të përhershme të administratorit.

Sigurimi i ndërprerjes së biznesit mbulon shpenzimet si pasojë e ndërprerjes së aktivitetit të biznesit nga dëmtimet e zjarrit apo rreziqeve shtesë, duke garantuar fitimin neto si dhe kostot fikse.

Kjo policë sigurimi mbulon dëmet financiare nga rreziqet që vijnë gjatë zbatimit të projekteve ndërtuese të çdo sektori ekonomik, si banesa, rezidenca, ndërtesa institucionesh, fabrika, uzina, investime energjitike, rrugë, hekurudha, aeroporte, porte, ura, diga, tunele, sistemet e ujitjes, drenažimit, kanalizime, etj.

Rreziqet kryesore të këtij mbulimi janë reshjet, vershimi, përmbytja, rrëshqitja e tokës, dëmet e materialeve të ndërtimit, makinerive e pajisjeve, tubacionet nëntokësore, kabllove të instalimeve, etj.

Kjo policë sigurimi mbulon me sigurim dhe përgjegjësinë ndaj palëve të treta gjatë ushtrimit të aktivitetit, për dëmet trupore apo materiale të shkaktuara palëve të treta.

Kjo policë sigurimi mbulon dëmet financiare që vijnë si rezultat i dëmtimit të makinerive dhe pajisjeve industriale.

Përveç rreziqeve të jashtme natyrore, si zjarr, tërmet, përmbytje, vjedhje, etj., mbulohen edhe dëmet nga projektimi i gabuar, gabimet profesionale, shkaqe elektrike, ndërprerja e ujit, shpërthimi fizik apo stuhi, ngrica, akull.

Kjo policë sigurimi mbulon dëmet financiare që vijnë gjatë procesit të montimit të makinerive dhe pajisjeve industriale.

Përveç rreziqeve të jashtme natyrore, si zjarr, tërmet, përmbytje, mbulohen edhe dëmet që vijnë gjatë instalimit të makinerive, pajisjeve, impianteve dhe strukturave të ndryshme.

Përveç sa më sipër, mbulon edhe përgjegjësinë për dëmtimet trupore apo pronësore të palëve të treta.

Ky sigurim mbulon rreziqet ndaj të cilave janë të ekspozuara mallrat gjatë transportit, si aksidentet e mjeteve të transportit, zjarr, tërmet, rrufe, shpërthimet, vullkani, etj.

Ky sigurim mbulon humbjen ose dëmin e mjeteve monetare të siguruara në kasafortë/kasë, ndaj vjedhjes ose grabitjes përmes hyrjes apo daljes me dhunë ose forcërisht nga objekti i siguruar, duke ofruar mbrojtje për çdo bankë, shoqëri këmbimi valutor, apo institucion tjetër financiar që ruan ose administron mjete monetare.

Polica e Sigurimit të Parave në Transport mbulon financiarisht dëmet që vijnë nga rreziqet e vjedhjes apo grabitjes gjatë transportit të parave për bankat, shoqëritë e këmbimit valutor, apo çdo institucion financiar që kryen transport të mjeteve monetare.

Polica e Sigurimit Kompleks i ofrohet çdo banke apo institucioni financiar si një mbrojtje domethënëse ndaj këtyre rreziqeve, duke ndihmuar në vazhdimësinë e veprimtarisë suaj financiare.

Rreziqet kryesore janë:

• Nga pandershmëria e punonjësve, në rastet e mashtrimit financiar, përvetësimit të parave, vjedhjes, dëmtimit, shkatërrimit, keqpërdorimit, falsifikimeve të çeqeve, transfertave, dokumentave financiare, vjedhjes së informacionit konfidencial.
• Nga transporti, në rastet e humbjes apo dëmtimit.
• Në zyrat, në rastet e vjedhjes apo dëmtimeve keqdashëse.
• Në rastet e parave të falsifikuara.

Sigurimi i kulturave bujqësore siguron të gjitha llojet e kulturave ndaj breshërit dhe rreziqeve natyrore, si: stuhia, përmbytja, ngrica apo shtrëngata.

Sigurimi i blegtorisë është një kontratë sigurimi, me anë të së cilës sigurohet blegtoria ndaj sëmundjeve dhe aksidenteve.

Polica e sigurimit nga aksidentet personale mbulon të gjitha dëmtimet trupore, për të cilat nevojitet ndihmë mjekësore, që vijnë si rezultat i një aksidenti që mund të pësojmë në aktivitetin tonë të përditshëm në shtëpi, punë, shkollë apo kudo që ndodhemi.

Ky sigurim, përveç sigurimit të jetës, mbulon edhe shpenzimet mjekësore për probleme shëndetësore të paparashikuara që mund t’i ndodhin personit të siguruar.

Nëpërmjet këtij sigurimi ofrohet mundësia për parandalimin dhe kurimin e problemeve shëndetësore, por gjithashtu edhe kompensimi i të ardhurave për përfituesin në rast fatkeqësie.

Ky sigurim ofron mbrojtje financiare për të siguruarin në rast të humbjes së jetës si pasojë e ndodhjes së ngjarjeve aksidentale, si edhe mbrojtje për paaftësi të përhershme apo të përkohshme nga këto ngjarje.

Ky sigurim është një mënyrë kursimi, i cili mbulon pagesën e një shume monetare në fund të një afati të caktuar ose në rast fatkeqësie përgjatë periudhës së sigurimit.

Ky sigurim me kontribut vetiak i mundëson çdo individi të sigurojë një pension shtesë krahas atij të shtetit.

Përfitimi nga ky sigurim fillon 5 vjet para se të mbushësh moshën për pension, kur del në pension invaliditeti, kur sëmuresh ose aksidentohesh gjatë kohës së sigurimit, si dhe në rastet e humbjes së jetës; ky përfitim mbetet i trashëgimtarëve në formën e pensionit familjar.